Manchester United þurfti að sætta sig við jafntefli í gær í leik í 32-liða úrslitum Evrópudeildarinnar.
United spilaði við Club Brugge í fyrri leik liðanna í Belgíu en leiknum lauk með 1-1 jafntefli. Brugge komst yfir en Anthony Martial jafnaði svo metin fyrir gestina í fyrri hálfleik.
Markið sem United fékk á sig var klaufalegt, Sergio Romero var illa staðsettur og varnarleikurinn slakur.
Ole Gunnar Solskjær hefur skýringu á því. ,,Aðstæður voru erfiðar, völlurinn blautur og boltinn gerir þetta erfitt,“ sagði Solskjær um boltann sem er notaður í Evrópudeildnni.
,,Það er bara öðruvísi að spila með þennan bolta, þið ættuð að prufa hann. Hann er alltof léttur.“
