Miðasala á leik Íslands og Rúmeníu í umspili undankeppni EM 2020 fer fram í lok febrúar og byrjun mars á Tix.is.
Þrír miðasölugluggar verða í boði. Fyrsti glugginn er fyrir kaupendur ársmiða og hefst hún miðvikudaginn 26. febrúar kl. 12:00. Föstudaginn 28. febrúar geta kaupendur haustmiða keypt miða og hefst sú miðasala kl. 12:00. Mánudaginn 2. mars hefst svo opin sala á miðum á leikinn kl. 12:00.
Nánari upplýsingar um miðasölu til árs- og haustmiðakaupenda verða sendar beint til þeirra kaupenda frá miðasölukerfi Tix.is.
Mest er hægt að kaupa 4 miða.
Þrjú miðaverð verða í boði:
3500 krónur
5500 krónur
7500 krónur
50% afsláttur verður í boði fyrir 16 ára og yngri.
Leikurinn fer fram 26. mars og verður leikinn á Laugardalsvelli. Sigurvegari viðureignarinnar mætir Búlgaríu eða Ungverjalandi í leik um laust sæti í lokakeppni EM 2020.
