Paul Pogba, miðjumaður Manchester United er væntanlegur til Manchester í lok vikunnar þar sem læknar Manchester United meta stöðuna á honum.

Pogba er staddur í Dubai þar sem hann hefur hafið æfingar, miðjumaðurinn fór í aðgerð á ökkla á dögunum.

Hann hefur spilað örfáa leiki á þessu tímabili vegna meiðsla, hann vill svo ólmur fara frá United í sumar.

Pogba lék tvo leiki í desember áður en hann fór aftur á sjúkrabekkinn, United vonast til að hann geti byrjað að æfa eftir helgi.

Pogba gæti svo spilað með United í mars en læti hafa verið i kringum Pogba síðustu daga, eftir að umboðsmaður hans. Mino Raiola ákvað að hjóla í Ole Gunnar Solskjær.