Robbie Fowler, fyrrum framherji Liverpool vill fá tækifæri sem knattspyrnustjóri í ensku úrvalsdeildinni.

Fowler er í dag þjálfari Brisbane Roar í Ástralíu og honum hefur vegnað ágætlega í starfi, liðið er í sjötta sæti og á möguleika á miða í úrslitakeppnina.

Fowler skoraði 183 mörk fyrir Liverpool og vill snúa aftur til Englands sem fyrst.

,,Ég vil þjálfa í ensku úrvalsdeildinni,“ sagði Fowler.

,,Ég get ekki sagt þetta neitt öðruvísi, það er markmið mitt að komast þangað.“

,,Ég hef mikinn metnað að ná þangað, ég tel að ég muni ná því. Ég er að gera allt sem í mínu valdi stendur til að ná þessu markmiði.“