Það er eitthvað í gangi hjá Manchester United þessa dagana en þá er átt við á bakvið tjöldin.
Mikið er talað um miðjumanninn Paul Pogba en framtíð hans er í mikilli óvissu.
Pogba er sagður vera óánægður hjá United og er umboðsmaður hans Mino Raiola að kveikja í sögusögnum opinberlega.
Í dag ákvað Pogba að hætta að fylgja þeim Anthony Martial og Marcus Rashford á Instagram.
Pogba er vinsæll á Instagram og var búinn að setja ‘follow’ á alla liðsfélaga sína á Old Trafford.
Ef skoðað er þá sem Pogba fylgir má hins vegar sjá að hann er búinn að fjarlægja bæði Martial og Rashford.
Martial gerði það sama og Pogba og hætti að elta hann á síðunni. Rashford er enn áskrifandi að svo stöddu.
