Ole Gunnar Solskjær, stjóri Manchester United gat ekki fullyrt hvort Paul Pogba yrði leikfær á þessari leiktíð. Ef Pogba nær ekki heilsu er nánast öruggt að hann hefur spilað sinn síðata leik fyrir félagið.
Pogba fór í aðgerð á ökkla í upphafi árs og hefur ekki náð heilsu, hann hefur verið í Dubai í endurhæfingu síðustu daga.
Pogba vill fara frá United og fer að öllum líkindum í sumar en óvíst er hvort hann geti spilað meira á þessari leiktíð.
Mino Raiola, umboðsmaður Pogba er duglegur að tjá sig um slæmt ástand United og að leikmaðurinn vilji fara burt.
Solskjær virðist vera orðinn ansi þreyttur á þessum ummælum Raiola. ,,Paul er okkar leikmaður, ekki leikmaður Mino,“ sagði Solskjær.
,,Ég hef ekki sest niður með Paul og beðið hann um að láta umboðsmann segja eitt eða neitt, ég hef ekkert talað við Raiola, það er á hreinu.“
