Það fór fram svakalegur leikur í Frakklandi í kvöld er Paris Saint-Germain heimsótti Amiens.
PSG lenti svo sannarlega í veseni gegn Amiens en staðan var 3-0 fyrir heimamönnum eftir 40 mínútur.
Ander Herrera lagaði stöðuna fyrir PSG undir lok fyrri hálfleiks og staðan 3-1 eftir fyrstu 45.
Allt annað PSG lið mætti til leiks í seinni hálfleik og tókst liðinu að skora þrjú mörk til að komast yfir.
Leikmaður að nafni Nianzou Kouassi skoraði tvö mörk fyrir PSG og Mauro Icardi gerði eitt.
Amiens jafnaði þó metin á 91. mínútu er Sehrou Guirassy skoraði og lokastaðan 4-4 í mögulega skemmtilegasta leik ársins.
