Andy Lonergan, fjórði markvörður Liverpool, hefur tjáð sig um aðalmarkvörð liðsins, Alisson Becker.
Lonergan er 36 ára gamall en hann kom til Liverpool á frjálsri sölu síðasta sumar og er hluti af hópnum.
Hann talar mjög vel um brasilíska markmanninn sem er talinn einn sá besti í heiminum í dag.
,,Fyrst og fremst þá er hann auðmjúkasti maður sem ég hef nokkurn tímann hitt,“ sagði Lonergan.
,,Sem markvörður þá kemst enginn nálægt honum. Það er eins og allt sé auðvelt fyrir hann og hann getur gert allt.“
