Burnley vann ansi óvæntan sigur í ensku úrvalsdeildinni í dag er liðið mætti Southampton.
Spilað var á St. Mary’s, heimavelli Southampton, þar sem heimaliðið þurfti að sætta sig við 2-1 tap.
Ashley Westwood kom Burnley yfir snemma leiks áður en Danny Ings gerði enn eitt markið fyrir Southampton.
Matej Vydra tryggði Burnley svo stigin þrjú með marki á 60. mínútu og 2-1 sigur staðreynd.
Burnley er nú í 10. sæti með 35 stig, aðeins tveimur stigum frá Evrópusæti. Southampton er þremur sætum neðar með 31 stig.
