Því er haldið fram í dag að Ole Gunnar Solskjær fái væna summu til að styrkja Manchester United í sumar, sagt er að Solskjær fái rúmar 270 milljónir punda til að versla leikmenn. Soccerex sem fjallar um fjármál félaga segir frá þessu.
United mun selja leikmenn frá sér en Solskjær fær væna summu til að koma United aftur á meðal þeirra bestu.
Jadon Sancho, Jack Grealish, James Maddison og fleiri eru orðaðir við félagið. United keypti Bruno Fernandes í janúar.
Þá gæti Kalidou Koulibaly komið frá Napoli til að styrkja varnarleik liðsins. Ensk blöð telja að svona gæti byrjunarlið United orðið á næstu leiktíð, ef félagið fær allt það sem vill á markaðnum.
