Það fóru fram tveir leikir í Lengjubikar karla í kvöld en leikið vart í Skessunni og í Egilshöll.
Í A-deild í riðli 3 þá vann FH góðan 3-1 sigur á Þrótti Reykjavík. Þetta var annar sigur FH í riðlinum eftir 3-0 sigur á HK.
Morten Beck, Jónatan Ingi Jónsson og Þórir Jóhann Helgason gerðu mörk FH en Lárus Björnsson skoraði fyrir Þrótt.
Hilmar Árni Halldórsson var þá í stuði fyrir Stjörnuna sem spilaði við Fjölni í Egilshöll.
Hilmar skoraði bæði mörk Stjörnunnar í 2-0 sigri, eitt í fyrri hálfleik og eitt í þeim seinni.
