Nicolas Otamendi, leikmaður Manchester City, gæti vel verið að kveðja félagið í sumar.
Þetta segir umboðsmaður leikmannsins, Martin Sendoa, en Otamendi vill enda ferilinn hjá River Plate í heimalandinu.
Otamendi spilaði aldrei með River á ferlinum en hann spilaði með Velez í Argentínu áður en hann samdi við Porto.
,,Það er vilji Nicolas að enda ferilinn hjá River, hann vill verulega mikið spila þar,“ sagði Sendoa.
,,Honum líður vel hjá City og spilar meira en á síðasta ári. Ef River hringir í hann og sannfærir hann… Þá gæti þetta gerst í júní.“
