Mohamed Salah, sóknarmaður Liverpool gæti misst af öllu næsta undirbúningstímabili og upphafi ensku úrvalsdeildarinnar í haust.

Ástæðan er sú að Egyptaland vill taka Salah með á Ólympíuleikana í sumar, að auki missir svo Salah af nokkrum leikjum í janúar. Þá fer hann í Afríkukeppnina.

Ljóst er að Liverpool mun reyna að setja sig á móti því að Salah fari á Ólympíuleikana. Hver þjóð má taka með sér nokkra eldri leikmenn og vill Egyptaland taka sína skærustu stjörnu.

Shawky Gharib, sem stýrir Egyptalandi í sumar segir að Salah verði að taka ákvörðun.

,,Að Salah verði með okkur er undir honum komið, Liverpool og Jurgen Klopp. Við getum ekki neytt Salah til að taka þátt þar sem reglur FIFA eru þannig, um þessa keppni,“ sagði Gharib.