Maurizio Sarri, stjóri Juventus, tjáði sig um það á dögunum hvort hann væri undir pressu hjá félaginu.

Juventus hefur ekki alltaf verið sannfærandi á leiktíðinni en Sarri tók við keflinu í sumar.

Sarri gaf það út að pressan fylgdi starfinu og að ef hann væri ekki tilbúinn í það þá væri hann að vinna á pósthúsinu.

Pósthúsið Poste Italian hefur svarað Sarri og segir að það fylgi því svo sannarlega pressa að vinna þar.

,,Þvert á móti því sem herra Sarri vill meina þá er til pressa á þessum vinnustað,“ sagði fyrirtækið.

,,Við bjóðum honum að koma hingað og eyða nokkrum mínútum af hans dýrmæta tíma til að komast að því.“