Glenn Murray, leikmaður Brighton, fékk ekkert formlegt tilboð frá Manchester United í janúar.
Talað var um að United hefði skoðað það að fá Murray á lokadegi gluggans sem skammtímalausn í sóknina.
Það var Odion Ighalo sem fékk loks tækifærið en hann gerði lánssamning út tímabilið.
,,Ekki beint, ef ég á að vera hreinskilinn,“ sagði Murray um hvort hann vissi af tilboði United.
,,Ég hef bara séð söguna en ekki heyrt of mikið. Ég leyfi umboðsmanninum bara að sjá um allt þetta.“
,,Ég reyni að einbeita mér að því sem ég þarf að gera.“
