Manchester United skoðar það að færa æfingaferð sína frá Kína vegna Wuhan-veirunnar sem nú skekur landið. Í kringum eitt þúsund hafa látið lífið.
Forráðamenn Manchester United hafa rætt málið og óttast að leikmenn félagsins verði í hættu.
Það er talsvert síðan að United ákvað að fara til Asíu í sumar en Wuhan-veiran gæti breytt þeim plönum, félagið fylgist með málinu og skoðar kosti sína.
Samkvæmt upplýsingum frá Kína hafa 1016 einstaklingar nú látið lífið vegna veirunnar, á einum degi létust yfir 100 manns.
42,600 einstaklingar hafa greinst með Wuhan-veiruna um allan heim og hræðir það United að ferðast þangað.
