Erik ten Hag, stjóri Ajax, hefur staðfest það að félagið sé að fylgjast með fyrrum leikmanni liðsins, Jan Vertonghen.
Vertonghen er 32 ára gamall leikmaður Tottenham en hann verður samningslaus næsta sumar.
,,Jan á sér sögu hjá Ajax. Auðvitað munum við fylgjast með hans stöðu mjög vel en þú þarft líka að skoða þá stöðu sem hann spilar í,“ sagði Ten Hag.
,,Ef allt gengur upp og ef það er pláss í þessa stöðu þá er hann möguleiki fyrir okkur.“
,,Aldurinn skiptir engu máli hérna. Ef einhver er nógu góður þá skiptir það engu máli.“
