Það er farið að hitna undir Maurizio Sarri, þjálfara Juventus þrátt fyrir að liðið sé í öðru sæti Seriu A og með jafnmörg stig og topplið Inter.
Fótboltinn sem Juventus er að spila heillar ekki stuðningsmenn, liðið er ekki á góðum stað.
Nú segja erlendir fjölmiðlar að Juventus ætli að reyna að fá Pep Guardiola, frá MAnchester City í sumar.
Guardiola gæti haft áhuga á því að hætta hjá City og taka að sér starf á Ítalíu, þá hefur hann starfað í öllum stærstu deildum Evrópu.
Sagt er að skilaboð Juventus til Guardiola séu einföld, peningar eru ekki vandamálið.
