Það er lúxus líf hjá leikmönnum Manchester United þessa dagana en liðið er í æfingaferð á Marbella.

Manchester liðið kom til Spánar á laugardag en liðið er í vetrarfríi, liðið á leik eftir viku gegn Chelsea. Liðið dvelur á Kempinski Hotel sem er eitt það flottasta á Marbella, fimm stjörnu hótel með öllum þægindum sem fólk vill.

Odion Ighalo fékk að ferðast með Unted, félagið óttaðist að honum yrði ekki hleypt aftur inn í landið. Ighalo var að koma frá Kína, kórónuveiran herjar á Kína og gætu Bretar lokað landinu að einhverju leyti.

,,Hann verður með gegn Chelsea,“ sagði Ole Gunnar Solskjær en United kemur til Englands um helgina og leikur gegn Chelsea á mánudag.

,,Við sjáum hvernig honum gengur að komast í form, ég held að hann verði í gír. Við viljum fá hann inn sem fyrst, hann er ólmur í að spila fyrir okkur.“