Eiður Smári Guðjohnsen, fyrrum framherji Chelsea og einn besti íþróttamaður í sögu Íslands fór á kostum í London í síðustu viku. Eiður var þar mættur ásamt fyrrum samherja sínum, Jimmy Floyd Hasselbaink og ræddu þeir fyrir málin með fréttamönnum Sky Sports. Rifjaðir voru upp gamlir tímar, og árið 2003 þegar Claudio Ranieri var stjóri Chelsea.
Félagið var að kaupa Hernan Crespo og Adrian Mutu og ákvað Ranieri að reyna að losa sig við Eið Smára frá Chelsea. Félagið var ný orðið ríkt eftir að Roman Abramovich, keypti félagið og ætlaði Ranieri að sparka íslenska framherjanum út um gluggann.
,,Tímabilið byrjaði á því að Ranieri að tala við mig, hann sagði mér að það yrði erfitt fyrir mig að fá að spila. Það væru hið minnsta tveir framherjar að koma til félagsins, og að hann væri klár í að hjálpa mér að finna gott félag,“ sagði Eiður.
Eiður hafði ekki neinn áhuga á að fara frá Chelsea og svaraði Ranieri. ,,Ég sagði við hann ´Ekki málið stjóri, en ég held að ég verði lengur hjá Chelsea en þú´.“
Sagðir þú þetta við hann? ,,Ég var ekki að ljúga,“ sagði Eiður og mátti heyra að fólk hafði gaman af sögustund Eiðs.
Eiður hafði rétt fyrir sér en Ranieri var rekinn frá Chelsea ári síðari en Eiður var hjá Chelsea til ársins 2006.
„Ranieri told me I would struggle to get games… I said I would be here longer than him!“@Eidur22Official and @jf9hasselbaink joined the #TransferTalk live podcast
Read more: https://t.co/rulaIQf9TX
Watch full: https://t.co/4V8i284xz6
Listen in full: https://t.co/96trnQH4zK pic.twitter.com/umy7ADpu15— Sky Sports News (@SkySportsNews) February 10, 2020
