Það verður hörð barátta í sumar um vængmanninn Jadon Sancho sem spilar með Dortmund.
Í kvöld greinir blaðamaðurinn John Cross frá því að tvö ensk lið ætli að berjast um þjónustu vængmannsins.
Sancho er aðeins 19 ára gamall en hann er þrátt fyrir það er hann fastamaður í liði Dortmund.
Það verður kapphlaup á milli Chelsea og Manchester United í sumar um Sancho sem mun kosta um 120 milljónir punda.
Ed Woodward, varaformaður United, hefur gefið út að félagið muni ekki hika við að eyða peningum næsta sumar.
Chelsea var í félagaskiptabanni síðasta sumar og ætlar að styrkja hópinn verulega fyrir næsta tímabil.
