Það var stórleikur á Ítalíu í gær þegar Inter og AC Milan mættust. Það vantaði ekki fjörið á San Siro og var staðan 2-0 fyrir Milan þegar fyrri hálfleik var lokið.
Ante Rebic og Zlatan Ibrahimovic gerðu mörk Milan og var útlit fyrir erfiðan seinni hálfleik fyrir Inter.
Allt annað Inter lið mætti til leiks í seinni hálfleik og skoraði heil fjögur mörk til að tryggja 4-2 sigur. Romelu Lukaku skoraði þar á meðal.
Ashley Young, var að byrja sinn fyrsta grannaslag i Milan en hann kom til félagsins frá Manchester United í janúar.
,,Þetta er ein af betri stundum ferilsins, ég kom hingað til að spila og vinna leiki. Þetta er magnað,“ sagði Young eftir leikinn.
,,Ég vildi nýja áskorun á ferlinum, ég fékk hana og elska hverja einustu mínútu af tímanum hérna.“
,,Það er magnað að vera hérna og ég er afar glaður með þessi þrjú stig.“
