Ensk blöð segja að Jurgen Klopp, stjóri Liverpool er sagður opinn fyrir því að fá Philippe Coutinho aftur til félagsins.

Coutinho fór fram á sölu frá Liverpool í janúar árið 2018, þá borgaði Barcelona um 140 milljónir punda fyrir hann.

Barcelona var ekki hrifið af Coutinho og lánaði hann til FC Bayern síðasta sumar, eftir erfitt eitt og hálft ár.

Coutinho hefur ekki fundið taktinn hjá Bayern og er því ólíklegt að félagið nýti sér forkaupsrétt.

Nú er sagt að Barcelona sé tilbúið að selja Coutinho á 77 milljónir punda næsta sumar. Það gæti heillað Liverpool en Daily Express segir að Klopp vilji fyrst reyna að fá Kai Havertz, frá Leverkusen.

Chelsea og Manchester United hafa einnig verið orðuð við Coutinho sem átti frábæra tíma á Englandi.