David Ginola, fyrrum leikmaður Newcastle, segist hafa verið stunginn í bakið af félaginu árið 1996.

Ginola var þá á óskalista Barcelona en Sir Bobby Robson var þjálfari liðsins og hafði áhuga á Frakkanum.

Kevin Keegan var stjóri Newcastle en hann kom í veg fyrir skiptin áður en hann kvaddi sjálfur stuttu seinna.

,,Ég var í Frakklandi í sumarfríi, leiður því við misstum af titlinum og ég bjóst ekki við neinu,“ sagði Ginola.

,,Þegar síminn hringdi þá var þetta Sir Bobby Robson sem sagði að hann vildi fá mig og að tilboð væri á leiðinni.“

,,Þeir byrjuðu á sex milljónum og fóru upp í 12 milljónir. Keegan hringdi svo í mig og og sagði að upphæðin skipti ekki máli, að ég mætti ekki fara.“

,,Ég grátbað hann um að fá að fara því að þetta væri mitt síðasta tækifæri til að spila fyrir Barcelona, lið sem vann titla á hverju ári.“

,,Svo þegar Keegan yfirgaf okkur í janúar þá yfirgaf hann mig líka. Ég var stunginn í bakið.“