Jordan Pickford segir að sérfræðingar eins og Gary Neville, elski að drulla yfir enska landsliðsmenn. Markvörður Everton hefur fengið að heyra að í vetur.

Pickford hefur gert mikið af mistökum í vetur og margir velta því fyrir sér, hvort hann eigi skilið að halda stöðu sinni sem markvörður enska landsliðsins.

,,Blöðin og allir, sjáðu sérfræðing eins og Gary Neville. Þeir vilja bara hjóla í enska leikmenn, það er hluti af því að vera enskur landsliðsmaður. Þú verður að lifa og læra með því,“ sagði Pickford.

,,Þú þarft að halda haus og sjá um þig sjálfur, allir enskir leikmenn fá að heyra það. Sjáðu hvernig komið var fram við Joe Hart, þegar hann var markvörður Englands. Hann fékk að heyra það í hverri viku:“

,,Það er ekki flókið að sjá þetta, það hata þig allir. Ég held bara áfram með lífið, ég veit hvað ég get.“

,,Ég veit að ég hef verið góður fyrir England, það hrósa þér allir með landsliðinu en hjá félagsliði er bara drullað yfir þig. Þetta hefur ekki áhrif á mig en þetta pirrar mig.“