Það var stórleikur á Ítalíu í gær þegar Inter og AC Milan mættust. Það vantaði ekki fjörið á San Siro og var staðan 2-0 fyrir Milan þegar fyrri hálfleik var lokið.

Ante Rebic og Zlatan Ibrahimovic gerðu mörk Milan og var útlit fyrir erfiðan seinni hálfleik fyrir Inter.

Allt annað Inter lið mætti til leiks í seinni hálfleik og skoraði heil fjögur mörk til að tryggja 4-2 sigur. Romelu Lukaku skoraði þar á meðal.

Hann skaut á ZLatan eftir leik með færslu á Twitter. ,,Það er nýr kóngur í borginni,“ skrifaði Lukaku en Zlatan talar oft um sjálfan sig sem kónginn.

Inter er nú á toppnum með 54 stig en þó jafn mörg stig og Juventus sem er í öðru sætinu.

there’s a new king in town pic.twitter.com/w9yv4cVzrJ

— R.Lukaku Bolingoli9 (@RomeluLukaku9) February 9, 2020