Jordon Ibe, leikmaður Bournemouth, er að missa bílprófið eftir atvik sem kom upp þann 4. júlí á síðasta ári.

Ibe keyrði Bentley bifreið sína í Bromley en hann klessti hana sem olli skemmdum upp á 15 þúsund pund.

Ibe stöðvaði ekki bifreiðina eftir áreksturinn og keyrði þess í stað burt. Lögreglan er búin að rannsaka atvikið og hefur ákveðið að ákæra leikmanninn.

Vængmaðurinn mun mæta fyrir rétt þann 3. mars næstkomandi og gæti átt yfir höfði sér þunga refsingu.

Ibe verður líklega sektaður um háa upphæð og mun missa bílprófið í óákveðinn tíma.

Þessi fyrrum stjarna Liverpool fær ekkert að spila í dag og hefur aðeins komið við sögu í tveimur deildarleikjum.