Unai Emery trúir því að hann hafi komið Arsenal á beinu brautina á ný þrátt fyrir að hafa verið rekinn á síðasta ári.

Emery entist í aðeins 19 mánuði hjá Arsenal en hann komst í úrslitaleik Evrópudeildarinnar á sínu fyrsta tímabili með liðinu.

,,Arsenal var félag sem hafði verið á niðurleið í tvö ár áður en ég mætti til starfa,“ sagði Emery.

,,Við stöðvuðum þetta fall og byrjuðum að koma félaginu á beinu brautinas með úrslitaleik í Evrópudeildinni og fimmta sætinu í deildinni aðeins einu á eftir Tottenham.“

,,Við vorum með Meistaradeildarsætið í okkar höndum og svo fór þetta úrskeiðis í úrslitaleiknum. Tímabilið var gott og við vildum halda áfram.“