Ashley Young er að elska hverja mínútu hjá sínu nýja félagi Inter Milan en hann spilaði í 4-2 sigri á AC Milan í gær.
Young yfirgaf Manchester United í janúarglugganum og ákvað að reyna fyrir sér elendis í fyrsta skiptið.
,,Það var ótrúleg tilfinning að vinna þennan leik. Þið sáuð hvernig við fögnuðum eftir leikinn og sýndum karakter og styrk,“ sagði Young.
,,Þetta er svo sannarlega eitt af mínum bestu augnablikum. Þegar þú vinnur svona grannaslag eins og við gerðum, það er ótrúleg tilfinning.“
,,Það er ekkert skrítið að vera hérna. Ég vildi fá nýja áskorun og ég er að elska hverja mínútu hérna.“
