James Maddison, miðjumaður Leicester sagður vera efstur á innkaupalista Arsenal í sumar. Mikel Arteta, hrífst af enska landsliðsmaninum.

Það er farið að verða ólíklegt að Maddison yfirgefi Leicester í sumar, félagið er að bjóða honum nýjan samning. Leicester er sagt íhuga að bjóða Maddison ríflega launahækkun en hann þénar 55 þúsund pund á viku í dag.

Arteta ætlar að hreinsa út hjá Arsenal í sumar og byggja upp nýtt lið, hann er sagður til í að selja Pierre-Emerick Aubameyang, Mesut Ozil og Alexandre Lacazette.

Madison er sagður efstur á lista Arteta en Manchester United vill einnig fá enska landsliðsmanninn.

Arteta er einnig sagður horfa til Dayot Upamecano hjá RB Leipzig og Odsonne Edouard framherja Celtic.