Darren Bent, fyrrum framherji Englands, hefur komið stórstjörnunni Darren Bent til varnar.

Pogba er meiddur þessa stundina og hefur verið í margar vikur en hann er umdeildur á meðal stuðningsmanna United.

Bent segir að Frakkinn fái ekki sanngjarna meðferð og að önnur félög muni ekki hika við að fá hann í sínar raðir.

,,Stundum þá þarftu að vorkenna honum. Honum er kennt um nákvæmlega allt hjá Manchester United,“ sagði Bent.

,,Jafnvel þegar hann er ekki að spila þá er honum kennt um og það er alltaf verið að tala um hann.“

,,Ég held að samskiptamiðlarnir séu ekki að hjálpa honum. Þegar hann segist vera veikur eða er í brúðkaupi bróður síns að dansa – það fer ekki vel í fólk.“

,,Þegar þú talar um að Manchester United gæti selt hann, þá held ég að það séu mörg lið sem bíða í biðröð.“

,,Fólk segir að United þurfi að sætta sig við minni upphæð en ég get séð hann fara hvert sem hann vill og líka til liða í úrvalsdeildinni.“