Gareth Bale verður leikmaður Real Madrid næstu tvö árin ef marka má orð Jonathan Barnett.
Barnett er umboðsmaður Bale en hann hefur lengi séð um welska landsliðsmanninn sem kom til Spánar frá Tottenham.
Bale er reglulega orðaður við brottför en samkvæmt Barnett þá eru engar líkur á að það gerist næstu tvö árin.
,,Hann verður hér í allavega tvö ár í viðbót svo það er ekkert til að hafa áhyggjur af,“ sagði Barnett.
,,Bale er í fínu lagi, hann er ánægður með lífið og það er ekkert að.“
