Odion Ighalo, leikmaður Manchester United, mun ekki ferðast með félaginu til Marbella í æfingaferð.
Frá þessu er greint í kvöld en Ighalo skrifaði undir sex mánaða samning við United í janúarglugganum.
Ighalo óttast það að fá ekki leyfi til að koma aftur til Bretlands ef hann ferðast til Spánar og svo aftur til Englands.
Ástæðan er kórónavírusinn en Ighalo hefur undanfarin tvö ár spilað fyrir Shanghai Shenhua í Kína þar sem veiran er að verða ansi algeng.
Ole Gunnar Solskjær, stjóri United, staðfesti það að Ighalo færi ekki þar sem hann óttaðist að fá ekki inngöngu í landið ef hann ferðast með liðinu erlendis.
