Matteo Guendouzi, leikmaður Arsenal, segir að stuðningsmenn liðsins búist við meiru frá honum í dag en þegar hann kom fyrst til félagsins.
Guendouzi kom til Arsenal sumarið 2018 en hann hefur reglulega fengið að spila þrátt fyrir að vera aðeins 20 ára gamall.
,,Stuðningsmennirnir búast svo sannarlega við öðrum hlutum frá mér í dag,“ sagði Guendouzi.
,,Í byrjun þá mætti ég sem nýr ungur leikmaður sem í raun enginn vissi hver var.“
,,Hvernig ég spilaði í byrjun árs var eitthvað nýtt en ég var ennþá talinn ungur leikmaður sem þeir þekktu ekki. Nú hef ég sýnt þeim hvað í mér býr.“
,,Ég hef sýnt að ég get hjálpað þeim mikið. Það er eðlilegt að þeir búist við meiru af mér núna.“
