Hjörvar Hafliðason, stjórnandi hlaðvarpsþáttarins Dr. Football, rifjaði upp virkilega skemmtilega sögu í þætti gærdagsins.

Þar leyfði Hjörvar hlustendum að heyra í Darren Bent, fyrrum sóknarmanni Tottenham og Sunderland.

Bent var eitt sinn unglingur í liði Ipswich og spilaði þar með fyrrum landsliðsmanninum Hermanni Hreiðarssyni.

Bent lenti einu sinni í veseni fyrir leik gegn Queens Park Rangers og fékk þá hjálp frá ‘ofurhetjunni’ Hermanni.

,,Þegar ég var ungur strákur að koma í gegnum unglingastarf Ipswich þá lékum við gegn QPR á þeirra heimavelli,“ sagði Bent.

,,Ég var þarna 17 ára gamall stressaður í leikmannagöngunum og það er pikkað í öxlina á mér. Danny Shittu stendur þarna og horfir á mig og segir: ‘Ég ætla að fótbrjóta þig í dag ef þú kemur nálægt mér.’

,,Á þessum tíma var ég búinn að skora nokkur mörk og vakti athygli. Hann sagðist ætla að fótbrjóta mig og svo framvegis. Ég skalf allur eftir þetta.“

,,Svo upp úr engu, eins og ofurhetja þá mætti Hermann Hreiðarsson til að bjarga deginum. Hann fór upp að Danny Shittu og sagði: ‘Ekki koma nálægt honum, ef ég sé þig koma nálægt honum þá þarftu að fara í gegnum mig.’ – ég man eftir að hafa hugsað ‘takk Hermann’ því Shittu var risastór náungi.

,,Þegar við vorum að hita upp þá var hann að benda á mig og sagði: ‘Þú færð að finna fyrir því, þú færð að finna fyrir því.’ Í hvert skipti þá sagði Hermann: ‘Ef það eru einhver vandamál þá kemurðu bara og nærð í mig.’