Brad Friedel, fyrrum markvörður Tottenham, telur að Chelsea muni leysa Kepa Arrizabalaga af hólmi næsta sumar.
Kepa hefur ekki verið sannfærandi á þessu tímabili á milli stanganna og var skellt á bekkinn í síðasta leik liðsins.
,,Kepa virðist vera með mikla hæfileika en þú veist aldrei hvernig fólk bregst við mótlæti,“ sagði Friedel.
,,Það er það sem skiptir máli, hjá öllum markmönnum frá þeim fyrsta alveg til þanns þriðja.“
,,Ég er viss um að félagið muni horfa annað og reyna að byggja upp hópinn með öðrum markverði.“
