Það má alveg búast við því að Manchester City hristi hressilega upp í leikmannahópi sínum næsta sumar.
Pep Guardiola og félagar þurfa nýtt blóð til að komast aftur á toppinn á Englandi.
Enskir miðlar segja meiri möguleika en áður að fá Lionel Messi frá Barcelona, hann er ósáttur við stjórn félagsins og gæti farið fram á sölu. Hann má í raunar fara frítt frá Barcelona í sumar, svo lengi sem hann láti vita mánuði áður en glugginn opnar. Slík klásúla er í samningi hans.
Pep Guardiola vill hins vegar ekki fá Messi til City, ef þannig má að orði komast. Hann vill að Messi klári feril sín í Katalóníu.
,,Ég held að hann muni klára feril sinn með Barcelona,“ sagði Guardiola en hann og Messi eru miklir félagar eftir samstarfið í Katalóníu.
,,Það er mín ósk að Messi ljúki ferlinum í Barcelona.“
