Fred, miðjumaður Manchester United nýtur þess að vera í fríi ásamt eiginkonu sinni. Helmingur ensku úrvalsdeildarinnar er nú í vetrarfríi.
Fred hefur staðið sig með ágætum í slöku liði United og ákvað að skella sér til Maldíveyja.
Þar leigði hann flottustu svítuna fyrir sig og Monique Salum, um er að ræða brúðkaupsferð þeirra en þau gengu í það heilaga síðasta sumar.
Fred borgar 3500 pund fyrir hverja nótt, tæpar 600 þúsund krónur. Í húsinu er rennibraut og fleira skemmtilegt.
