Cristiano Ronaldo, leikmaður Juventus, viðurkennir að hann sé hissa á að vera enn að spila í hæsta gæðaflokki 35 ára gamall.
Ronaldo fagnaði 35 ára afmæli sínu í gær og er enn á fullu með stórliði Juventus.
Hann hefur unnið ófáa titla á ferlinum á Englandi, Spáni og Ítalíu og virðist ekki ætla að stoppa í bráð.
,,35 ára gamall? Ég bjóst við að vinna sem sjómaður í Madeira,“ sagði Ronaldo við Canal 11.
,,Mér datt þetta aldrei í hug. Ég vildi verða atvinnumaður í fótbolta en ég bjóst ekki við að vinna allt sem ég hef unnið.“
