Manchester United mun fá í kringum þrjár milljónir punda fyrir að spila leik í Indlandi næsta sumar.
Frá þessu er greint í kvöld en United er í viðræðum við lið East Bengal um að spila æfingaleik í júlí.
Það er venjan að félög í Evrópu fari í æfingaferð áður en tímabilið byrjar og er spilað í fjölmörgum löndum og heimsálfum.
Það myndi gera mikið fyrir aðdáendur United í Indlandi að fá að sjá sína menn spila næsta sumar.
Leikurinn fer að öllum líkindum fram þann 26. júlí og er spilaður á Yuvabharati Krirancan vellinum í Kolkata.
