Odion Ighalo hefur elskað Manchester United frá því að hann var ungur drengur, hann var til í að gera allt til að fá tækifæri hjá félaginu.
Ighalo kom til United á láni frá Shanghai Greenland Shenhua í síðustu viku. Til að fá skrefið í gegn þurfti Ighalo að taka hressilega launalækkun á sig.
Ighalo þénar 300 þúsund pund á viku hjá Shanghai en hjá United fær hann 100 þúsund pund á viku, laun hans lækka um meira en 120 milljónir á mánuði.
,,Ég sagði umboðsmanni mínum hvað ég vildi, ég vildi koma hingað. Hann sagði mér að það yrði veruleg launalækkun til að fara til United, ég sagði að mér væri sama. Ég sagði honum að klára þetta, ég vildi fara til United. Mér gat ekki verið meira sama um launalækkun,“ sagði Ighalo.
,,Ég elska Manchester United, ég hef alltaf stutt félagið. Þegar ég lék með Watford gegn United þá var það draumi líkast.“
,,Ég er svo ánægður og get ekki beðið eftir því að byrja.“
