Eins og flestir vita þá mun Liverpool fagna sigri í ensku úrvalsdeildinni á þessu tímabili.

Liverpool er með 22 stiga forskot á toppnum og þarf aðeins að vinna sex leiki í viðbót til að tryggja titilinn.

Það verður rútuferð um borg Liverpool í maí til að fagna titlinum þar sem má sjá leikmenn liðsins með bikarinn í hönd.

Liverpool hefur aldrei unnið úrvalsdeildina áður og er þetta stór stund fyrir stuðningsmenn liðsins.

Það mun kosta stuðningsmenn liðsins allt að 20 þúsund pund eða 3,2 milljónir króna til að fá hótelherbergi í miðbæ Liverpool í kringum 18. maí.

Þann 18. maí verður mikið fjör í borginni og titlinum fagnað og verða ófáir mættir til að sýna sinn stuðning.