Sebastian Hoeness, fyrrum leikmaður Hertha Berlin, hefur nefnt hæfileikaríkasta samherja sinn.
Hoeness er frændi Uli Hoeness, forseta Bayern Munchen, en knattspyrnuferill hans var ekki frábær.
Hann nefnir þó Kevin Prince-Boateng sem hæfileikaríkasta leikmanninn en þeir voru saman hjá Hertha.
Boateng hefur átt ansi skrautlegan feril og hefur spilað með liðum á borð við Tottenham, AC Milan og Barcelona.
,,Ég hef aldrei spilað með hæfileikaríkari leikmanni en honum. Hann var framúrskarandi í heildina og var klikkaður á þessum tíma, fullur sjálfstrausts,“ sagði Hoeness.
,,Honum var alveg sama hvort hann myndi fá blóðnasir hér og þar. Það var einn af hans styrkleikum. Hann vissi hvað hann gat gert og tók ábyrgð.“
