Rio Ferdinand, goðsögn Manchester United, telur að liðið geti enn náð Meistaradeildarsæti á tímabilinu.

United er í sjöunda sæti deildarinnar að svo stöddu og er sex stigum á eftir Chelsea sem er í því fjórða.

Ekkert lið er þó að spila það vel fyrir utan Liverpool og hefur Ferdinand trú á að sætið sé í boði.

,,Sem aðdáandi þá viltu sjá félagið þitt vinna, þú vilt ná í úrslit, þú vilt sjá stóra leikmenn stíga upp og skora mörk. Við höfum tæplega séð það á tímabilinu,“ sagði Ferdinand.

,,Markmiðið er að komast í Meistaradeildina og sem betur fer fyrir United er ekkert lið í formi til að tryggja það sæti. Það er mögulegt fyrir liðið.“