Ragna Lóa Stefánsdóttir var sögð vera viðhald Sol Campbell i enskum blöðum, þegar fyrrum eigingmaður hennar Hermann Hreiðarsson lék með Campbell hjá Portsmouth. Ensk blöð birtu mynd af Rögnu og Campbell en Hermann var klipptur út af myndinni.

Ragna segir þessa sögu í viðtali við Hafliða Breiðfjörð hjá Fótbolta.net, Ragna er i dag aðstoðarþjálfari KR.

,,Ég man nú einu sinni, það var mynd af mér og Sol Cambell, eftir partý undir lok tímabilsins hjá Portsmouth. Það var búið að klippa Hemma af myndinni, við vorum á einhverri forsíðu og spurt var hvaða konu Sol Campbell væri að hitta. Þeir eru svo ósvífnir, Hemmi var mér við hlið en klipptur af myndinni,“ sagði Ragna við Fótbolta.net en nokkur ár eru síðan hún og Hermann ákváðu að skilja.

,,Ég var nýja viðhaldið hans Sol Campbell, mér var alveg sama. Þetta var fyndið,“ sagði Ragna sem rifjaði upp annað atvik úr enskum götublöðum.

,,Þeir náðu mynd úr Séð og Heyrt í gamla daga, þegar nokkrar úr kvennalandsliðinu voru beðnar um að vera í undirfötum. Átti að sýna að við gætum verið kvenlegar og sætar, þeir grófu það upp. Ég var á baksíðu The Sun í undirfötum, það voru allir með þetta þegar Hemmi mætti í einn leik.“