Frank Lampard stjóri Chelsea vill fá nýjan markvörð til félagsins í sumar, hann hefur fengið nóg af Kepa Arrizabalaga.
Kepa missti sæti sitt um helgina og var á bekknum í 2-2 jafntefli gegn Leicester. Willy Caballero stóð vaktina í markinu.
Kepa kostaði Chelsea 72 milljónir punda sumarið 2018 en hann hefur ekki náð að heilla marga. Hann er dýrasti markvörður í sögu fótboltans.
Sagt er að Lampard vilji losa sig við Kepa næsta sumar og segir Guardian að Lampard hafi áhuga á Nick Pope markverði Burnley.
Pope er einn allra besti markvörður deildarinnar og gæti tekið sætið af Jordan Pickford sem fyrsti kostur í mark Englands.
