Krakkarnir í Liverpool eru komnir áfram í enska bikarnum eftir leik við Shrewsbury Town á Anfield í kvöld.

Aðallið Liverpool tók ekki þátt í leiknum en þar eru leikmenn í vetrarfríi og eru erlendis.

Ungstirni Liverpool voru með það sem þurfti til að slá út Shrewsbury í leik á Anfield.

Aðeins eitt mark var skorað en það gerði Ro-Shaun Williams, hann skoraði sjálfsmark fyrir gestina á 75. mínútu.

Newcastle komst 2-0 yfir gegn Oxford United á sama tíma og virtist ætla örugglega í næstu umferð.

Sean Longstaff og Joelinton skoruðu mörk Newcastle en Oxford kom til baka og jafnaði í 2-2 á 94. mínútu. Leikurinn er því á leið í framlengingu.

Wayne Rooney mun þá spila við Manchester United í næstu umferð keppninnar en hann er á mála hjá Derby.

Rooney skoraði fjórða mark Derby úr vítaspyrnu í kvöld er liðið vann 4-2 sigur á Northamnpton.