Dómstóll í Suður-Kóreu hefur dæmt fyrirtæki til að greiða sekt, sökum þess að Cristiano Ronaldo lék ekki í æfingaleik með Juventus í júlí.

Um er að ræða æfingaleik á milli Juventus og stjörnuliðs K-deildarinnar í Suður-Kóreu. 65 þúsund miðar seldust á þremur mínútum þegar auglýst var að Ronaldo væri á leið til landsins.

Því var lofað að Ronaldo myndi hið minnsta spila 45 mínútur en hann sat svo allan tímann á bekknum.

Tveir einstaklingar fóru í mál við þann sem skipulagði leikinn og var dæmdur sigur, þeir fá hvor um sig 240 pund eða tæpar 40 þúsund krónur.

Sagt er að fyrirtækið Fasta hafi ekki sagt satt og að fyrirtækið hafi notað Cristiano Ronaldo til að græða peninga.

Nú er komið fordæmi og kemur fram að 87 einstaklingar til viðbótar ætli í málaferli.