Fernandinho, leikmaður Manchester City, segir að liðið geti ekki haldið áfram uppteknum hætti.
City tapaði 2-0 gegn Tottenham um helgina og segir miðjumaðurinn að mikið sé að fara úrskeiðis þessa dagana.
,,Þetta er ansi erfitt. Þetta var sársaukafullt tap, sérstaklega vegna þess hvernig við spiluðum,“ sagði Fernandinho.
,,Við sköpum alltaf færi en við nýtum þau ekki nógu vel. Enn og aftur klikkuðum við á vítaspyrnu og misstum af okkar sénsum – þeir skoruðu tvisvar.“
,,Svona hefur tímabilið verið. Það er augljóst að samræður eru mikilvægar því við getum ekki haldið svona áfram.“
