Jesse Lingard, Luke Shaw og Diogo Dalot eru allir að berjast um það að fá spilatíma undir stjórn Ole Gunnar Solskjær, hjá Manchester United.
Lingard og Shaw hafa ekki náð að festa sæti sitt í liðinu, báðir hafa fengið gagnrýni fyrir spilamennsku sína. Dalot hefur verið mikið meiddur en vonast til að komast á skrið.
Leikmenn United eru í vetrarfríi fram á næsta laugardag þegar félagið fer í æfingaferð, til að reyna að laga hlutina.
Í stað þess að slaka á eru Lingard, Shaw og Dalot allir í Dubai, þar æfa þeir saman til að reyna að heilla Solskjær þegar fríið er á enda.
